aLuka 1:46-53; Hlab 5:11, 9:2
bHlab 75:10, 89:17,24, 92:10, 112:9, 148:14
cHlab 9:14, 13:5, 20:5, 35:9
dEks 15:11
eDute 4:35
fDute 32:31
gMal 3:13; Juda 15
hHlab 37:15, 46:9, 76:3
iLuka 1:53; Hlab 34:10
jHlab 68:6, 113:9; Isa 54:1
kJer 15:9
lDute 32:39
mEks 15:9; Jobe 1:21
nHlab 75:7; Jobe 5:11
oHlab 113:7,8; Luka 1:52; Dan 4:17
pJobe 36:7
qJobe 38:4-6; Hlab 24:2, 102:25, 104:5
rHlab 121:3; Zaga 3:26; Hlab 91:11
sHlab 2:9
t7:10; Hlab 18:13; 2 Sam 22:14
uHlab 96:10,13, 98:9
v2:1
w1:19
x2:18, 3:1
y1:3; Dute 13:13
zHlu 2:10
aaLevi 7:30-34; Dute 18:3
abLevi 3:3-5,16, 7:23,25,31
acGen 6:11
adMal 2:8
ae2:11
afEks 28:4; 2 Sam 6:14; 1 Lan 15:27; Levi 6:10
ag1:3
ahNani 6:23; Gen 14:19
aiGen 21:1
aj2:26; Hlu 13:24
ak2:13-16
alEks 21:6, 22:8,9,28; Eks 12:12
amJosh 11:20; Zaga 15:10
an2:21; Gen 26:13; 2 Lan 17:12
aoLuka 2:52; Zaga 3:4; Seb 24:16; Roma 14:18
ap1 Kho 13:1; Hlu 13:6
aqEks 4:14,27
arEks 28:1-4; Nani 18:1,7
as14:3, 22:18
atLevi 2:3,10, 6:16, 7:7,8,34, 10:14,15; Nani 5:9,10, 18:8-19
auDute 32:15
av2:32; Dute 26:15, 33:27; 1 Lan 4:41; Hlab 26:8, 68:5; Dute 12:5,6
awEks 27:21, 29:5
axJer 18:9,10
ayHlab 91:14
azMal 2:9
ba4:11,18,20, 22:18; 1 Kho 2:27
bb2:33; Zek 8:4
bc1 Kho 13:3
bd4:11
be1 Kho 2:35
bf25:28; 1 Kho 11:38; 2 Sam 7:11,27
bg2 Sam 22:51; Hlab 18:50; Hlab 89:20
bh10:3; Eks 29:23; Hlu 8:5; Zaga 6:26

1 Samuel 2

Indumiso kaHana

1UHana wasekhuleka esithi: Inhliziyo yami iyathokoza eNkosini a. Uphondo lwami luphakanyisiwe eNkosini b. Umlomo wami wenziwe banzi phezu kwezitha zami, ngoba ngiyajabula ngosindiso lwakho c. 2Kakho ongcwele njengeNkosi d, ngoba kakho ngaphandle kwakho e; futhi kalikho idwala elinjengoNkulunkulu wethu f. 3Lingabe lisakhuluma ngokuzigqaja lokuzigqaja, kungaphumi ukuziqakisa emlonyeni wenu; ngoba iNkosi inguNkulunkulu wolwazi, lezenzo zilinganiswa yiyo g. 4Idandili lamaqhawe lephukile, kodwa abakhubekileyo babhince amandla h. 5Ababesuthi baziqhatshisile ngesinkwa, lababelambile kabasenjalo i, kwaze kwathi oyinyumba uzele abayisikhombisa j, lolabantwana abanengi uphele amandla k. 6INkosi iyabulala njalo iyaphilisa, iyehlisela engcwabeni njalo yenyuse l. 7INkosi ipha ubuyanga, njalo iyanothisa m; iyehlisela phansi, njalo iphakamise n. 8Iyamphakamisa umyanga ethulini, imphakamisa oswelayo enqunjini yomquba o, ukuze ibahlalise leziphathamandla, ibadlise ilifa lesihlalo sobukhosi sodumo p; ngoba insika zomhlaba zingezeNkosi, ibekile ilizwe phezu kwazo q. 9Izagcina inyawo zabangcwele bayo r, kodwa ababi bazathuliswa emnyameni; ngoba umuntu kayikunqoba ngamandla. 10Abalwa leNkosi bazaphahlazwa s; izaduma phezu kwabo isemazulwini t; iNkosi izakwahlulela imikhawulo yomhlaba, inike inkosi yayo amandla u, iphakamise uphondo logcotshiweyo wayo v. 11UElkana waya eRama endlini yakhe w. Lomfana wayekhonza iNkosi phambi kukaEli umpristi x.

Ububi bamadodana kaEli

12Amadodana kaEli ayengabantwana bakaBheliyali y; kawayazanga-ke iNkosi z. 13Njalo umkhuba wabapristi labantu wawunje; wonke umuntu ohlaba umhlatshelo, kube sekufika inceku yompristi, inyama isaphekiwe, ilefologwe elencijo ezintathu esandleni sayo, 14ihlabe ngayo edengezini, loba egedleleni, loba ebhodweni, loba embizeni; konke ifologwe ekukhuphayo umpristi wayezithathela khona aa. Benze njalo kuIsrayeli wonke ofika lapho eShilo. 15Njalo engakatshisi amahwahwa, inceku yompristi ifike ithi emuntwini ohlabayo: Letha inyama yokosela umpristi, ngoba kayikuthatha kuwe inyama ephekiweyo, kodwa eluhlaza ab. 16Uba lowomuntu esithi kuyo: Kabatshise lokutshisa amahwahwa khathesi, ubusuzithathela njengokuthanda komphefumulo wakho; ibisisithi kuye: Hatshi, nginika khathesi; uba kungenjalo, ngizayithatha ngamandla. 17Ngakho isono samajaha saba sikhulu kakhulu phambi kweNkosi ac; ngoba abantu badelela umnikelo weNkosi ad.

18Kodwa uSamuweli wayekhonza phambi kweNkosi engumfana ae ebhince i-efodi* yelembu elicolekileyo af. 19Futhi unina wayemenzela ijazana, amphathele lona umnyaka ngomnyaka ekwenyukeni kwakhe lomkakhe ukuyahlaba umhlatshelo womnyaka ag.

20UEli wasebabusisa oElkana lomkakhe, wathi: INkosi ikunike inzalo ngalowesifazana endaweni yesicelo esicelwe eNkosini. Basebesiya endaweni yabo ah. 21INkosi isimhambele uHana, wasethatha isisu, wazala amadodana amathathu lamadodakazi amabili ai. Umfana uSamuweli wasekhula eleNkosi aj.

22Kodwa uEli wayesemdala kakhulu; wakuzwa konke amadodana akhe akwenza kuIsrayeli wonke ak, lokuthi ayelala labesifazana ababuthana emnyango wethente lenhlangano. 23Wasesithi kuwo: Lenzelani izinto ezinje? Ngoba ngiyezwa ngabo bonke abantu ngezenzo zenu ezimbi. 24Hatshi, madodana ami; ngoba kakusumbiko omuhle engiwuzwayo ukuthi lenza abantu beNkosi baphambuke. 25Uba umuntu esona komunye, abahluleli bazamahlulela al; kodwa uba umuntu esona eNkosini, ngubani ozamlamulela? Kodwa kawalalelanga ilizwi likayise; ngoba iNkosi yayifuna ukuwabulala am. 26Umfana uSamuweli waseqhubeka ekhula an, ethandeka kubo bobabili iNkosi labantu ao.

Ilizwi leNkosi lokugwetshwa kwendlu kaEli

27Kwasekufika umuntu kaNkulunkulu kuEli ap, wathi kuye: Itsho njalo iNkosi: Ngabonakaliswa lokubonakaliswa yini kuyo indlu kayihlo beseGibhithe endlini kaFaro aq? 28Ngamkhetha yini kuzo zonke izizwe zakoIsrayeli ukuthi abe ngumpristi wami ar, anikele elathini lami, atshise impepha, agqoke i-efodi phambi kwami as? Ngayinika yini indlu kayihlo yonke iminikelo yabantwana bakoIsrayeli eyenziwe ngomlilo at? 29Kungani likhahlela imihlatshelo yami leminikelo yami au engiyilayileyo endlini yami av, njalo uhlonipha amadodana akho okwedlula mina, ngokuzikhuluphalisa ngekhethelo leminikelo yonke kaIsrayeli, abantu bami? 30Ngakho iNkosi uNkulunkulu kaIsrayeli ithi: Ngathi lokuthi: Indlu yakho lendlu kayihlo zizahamba phambi kwami kuze kube nininini aw; kodwa khathesi ithi iNkosi: Kakube khatshana lami ax; ngoba abangihloniphayo ngizabahlonipha ay, labangidelelayo bazakweyiswa az. 31Khangela, insuku ziyeza engizaquma ngazo ingalo yakho lengalo yendlu kayihlo, kungabi khona ixhegu endlini yakho ba. 32Njalo uzabona ukuhlupheka kwendlu yami, kuyo yonke impumelelo ezayenzela uIsrayeli; njalo kakuyikuba lexhegu endlini yakho zonke izinsuku bb. 33Lowo-ke owakho engingayikumquma asuke elathini lami uzakuba ngowokuqeda amehlo akho, lokudabula umphefumulo wakho; lakho konke ukwanda kwendlu yakho kuzakufa kusebudodeni. 34Lalokhu kuzakuba yisiboniso kuwe okuzakwehlela amadodana akho womabili, kuHofini loPhinehasi bc; bobabili bazakufa ngasuku lunye bd. 35Ngizazimisela umpristi othembekileyo; uzakwenza njengokusenhliziyweni yami lemphefumulweni wami be. Njalo ngizamakhela indlu eqinileyo bf; uzahamba-ke phambi kogcotshiweyo wami zonke izinsuku bg. 36Kuzakuthi-ke wonke oseleyo endlini yakho uzakuza akhothame kuye ngenxa yembadalo yesiliva leqebelengwana lesinkwa, athi: Ake ungibeke kwesinye sezikhundla zompristi ukuze ngidle ucezu lwesinkwa bh.

Copyright information for Ndebele